SARRERA

Atal honetan DBH-ko Etika edo Bizikidetza klaserako baliagarria den materiala topatuko duzu. Aurkezpen bat, bi bideo, google galdetegi bat eta Giza Eskubide Unibertsalen txostena dituzu eskuragarri hemen. Dokumentu hauen helburua Etika gaiaren bitartez Ekologiaren inguruko hausnarketa prozesu bat bideratzea da. Bideoetan gaia klasean nola landu azaltzen dugu, aurkezpenenetan dagoen teoria eta jarduerak klasean nola landu daitezkeen ageri delarik. Lehendabiziko pausua Etika aurkezpena erabiliz gaia azaltzea litzateke, horrela ikaslegoa gaiaren inguruko oinarri teoriko funtsezkoena ezagutu dezan. Ondoren Giza Eskubide Unibertsalen txostena erabiliz gaian sakondu daiteke, artikuluak irakurriz eta zenbait ariketa eginez. Honekin ikaslearentzat praktikoak izan daitezkeen gaiak landu daitezke, kasu praktikoak eta arazo etikoak planteatuz. Horien artean guri interesatzen zaigun Ekologiaren gaia landu dezakegularik, ikasleak uler dezan animalia, landare eta lurraren arazoak eztabaida etiko baten barne sartzen direlarik. Hau egindakoan Ekogaldetegiaren bitartez gaia guztiz zuzenduko dugu ikaslegoaren bizipenekin, galdetegiaren emaitzen arabera hausnarketa ezberdinak bideratuko ditugularik klaseak. Azkenik Ekoetika bideoan prozesu guzti honi amaiera nola eman azaltzen da. Hausnarketa orokor hori Ekologia gaian konkretatuko dugu aurkezpen horren bitartez. Horrela prozesuari amaiera emanez eta aurrerago martxan jarriko dugun proiektua bideraturik dugularik.